ආදරේ හැමවිටම කසාදයෙන් කෙළවර වෙන්නෙ නෑනෙ.
මේක කසාදෙ නිසා විඳවන ආදරවන්තයන්ට.....

හිතත් එක්ක හිතට හොරෙන් සිනාසී හිඳින්න
නුඹත් එක්ක ආ ගිය තැන් මතකයේ තියන්න
දෙනෙත් අගට කදුලු තියා ආදරේ බිඳින්න
නුඹෙත් හිතට දුකයි නේද මගේ හිත බිඳින්න

වෙරළ කොණක තුරුල් වෙලා රළ ගැනපු අතීතේ
දෙතොල අගට හාදු තියා හීනමයි මැවූයේ
හැපෙන බිඳෙන රළ වාගෙම විසිරිලා ගියානේ
නැගෙන නැගෙන හැම කඳුලෙම නුඹෙ නමයි තියෙන්නේ

 හිතත් එක්ක හිතට හොරෙන් සිනාසී හිඳින්න...

අත අල්ලා නෙත් පටලා පියමං කල මානේ
හිත ඉල්ලා නෙත් තෙමිලා නුඹ මා ළග නැහැනේ
වත රතු කර හිත බොරු කර පිට ගං යන නෑනේ
අත දුන්නට වෙනකෙකු වෙත හිත මා ලඟ නෑනේ

 හිතත් එක්ක හිතට හොරෙන් සිනාසී හිඳින්න...

 -විදුරංග ගුණසේකර-